កម្មវិធីពន្លឿនអាជីវកម្មថ្នាលឌីជីថលរដូវកាលទី២ គឺជាកម្មវិធីដែលមានរយៈពេល ១៦ សប្តាហ៍ និងត្រូវបានរៀបចំឡើងដើម្បីគាំទ្រដល់ក្រុមធុរកិច្ចថ្មីទាំងអស់ដែលមានគំរូអាជីវកម្មឌីជីថល និងអាចផ្តល់នូវថ្នាលឌីជីថលប្រកបដោយភាពច្នៃប្រឌិតសមស្របនឹងការជំរុញសហគ្រាសធុនមីក្រូ តូច និងមធ្យម (MSMEs) ដើម្បីធ្វើទំនើបកម្មឌីជីថល (Enterprise Go Digital) ។
សមាជិកក្រុមទាំងអស់ត្រូវតែប្តេជ្ញាចិត្ត ក្នុងការចូលរួមកម្មវិធីអោយបានពេញលេញក្នុងដំណាក់កាលជំរុំចាប់ផ្តើម រយះពេល ២ សប្ដាណ៍ និង១២ សប្ដាណ៍ក្នុងដំណាក់កាលពន្លឿនអាជីវកម្ម ដែលតម្រូវអោយមានការចូលរួមយ៉ាងហោចណាស់ ៨០% នៃចំនួនថ្ងៃបណ្ដុះបណ្ដាល។
បេក្ខភាពនឹងត្រូវដកដោយស្វ័យប្រវត្តិ ប្រសិនជាមានអវត្តមានច្រើនជាង ២០ ភាគរយក្នុងអំឡុងពេលនៃកម្មវិធីបណ្ដុះបណ្ដាល។
ក្រុមនីមួយៗមានកាតព្វកិច្ច ដាក់ជូននូវរបាយការណ៍ជាប្រចាំនឹងរាល់ពេលជួបអ្នកតម្រង់ទិស និងសហគ្រិនប្រចាំការ ក្នុងការធានាបាននូវវឌ្ឍនភាពរបស់អ្នក។
ត្រូវមានការប្តេជ្ញាចិត្តយ៉ាងពេញលេញក្នុងការសហការជាមួយអ្នកតម្រង់ទិស និងសហគ្រិនប្រចាំការ។
អ្នករៀបចំមានសិទ្ធិធ្វើការផ្លាស់ប្តូរ និងកែប្រែខ្លឹមសារ និងកាលវិភាគនៃកម្មវិធីដោយមិនចាំបាច់ជូនដំណឹងជាមុន។
អ្នករៀបចំមានសិទ្ធិប្រើប្រាស់ព័ត៌មានពាក់ព័ន្ធទាំងអស់ដែលបានចែករំលែកដោយអ្នកចូលរួមសម្រាប់គោលបំណងរាយការណ៍ ឬផ្សព្វផ្សាយដោយមិនចាំបាច់ជូនដំណឹងជាមុន។
